How To Stop Being Tired All The Time | రోజంతా active గా ఉండాలంటే పాటించాల్సిన 10 అలవాట్లు

రోజంతా active గా ఉండాలంటే ఇలా చేయండి

How To Stop Being Tired All The Time  | రోజంతా active గా ఉండాలంటే  పాటించాల్సిన 10 అలవాట్లు

మనందరం సమయాన్ని చాలా సీరియస్ గా తీసుకుంటాం. టైం మేనేజ్మెంట్ అనేది చాలా ముఖ్యం అనుకుంటాం. మేము కూడా టైం మేనేజ్మెంట్ మీద చాలా ఆర్టికల్స్ రాశాం. అయితే లాస్ట్ 3 ఇయర్స్ లో మాకు ఒక విషయం అర్థమైంది. అది ఏంటంటే టైం మేనేజ్మెంట్ కంటే కూడా ఎనర్జీ మేనేజ్మెంట్ చాలా ముఖ్యం. ఒక రోజులో మన ఎనర్జీ ని సరిగ్గా వాడితే ఆటోమాటిక్ గా మనం సమయాన్ని కూడా సరిగ్గా వాడిన వాళ్ళం అవుతాము. అయితే ఈ ఆర్టికల్ ని మేము మీకు ఎనర్జీ మేనేజ్మెంట్ కి ఉపయోగపడే అలవాట్లను చెప్పాలి అనే ఉద్దేశంతో చేస్తున్నాం. అలాగే ఈ అలవాట్లు చాలా  కష్టం అని కూడా అనుకోకండి. మీరు నార్మల్ గా డైలీ లైఫ్ లో పాటించేవే. ఇందులో మీ ఎనర్జీ ని డ్రైన్ చేయకుండా మీ ఎనర్జీ ని ఇంక్రీజ్ చేసేలా ఎం చేయాలి అనేది మాత్రం మేము చెప్తాము.

1. Exercise everyday ( ప్రతీ రోజు వ్యాయామం చేయండి )

ఉదయం లేచాక ఎక్సర్ సైజ్. రన్నింగ్ గాని, వాకింగ్ గాని, చిన్నదైనా, పెద్దదైన ఏదైనా ఒక ఎక్సర్ సైజ్ చేయడం మనలో ఉత్సహాన్ని నింపుతుంది. ఎక్సర్ సైజ్ అనేది ఒక లాంగ్ టర్మ్ ఇన్వెస్ట్ మెంట్. ఎదో ఒకరోజు లేకపోతే వారం రోజులు చేసేసి చూస్తే మనకి పెద్దగా ఏమి ఉపయోగం ఉండదు. డైలీ మార్నింగ్ లేదా ఈవెనింగ్ ఎదో ఒక రొటీన్ లా మన లైఫ్ లో ఇది ఉండాలి. అప్పుడే మనకి ఫిజికల్ గా మెంటల్ గా ఎనర్జీ లెవెల్స్ లో డిఫరెన్స్ ఉంటుంది. చాలా మంది ఎక్సర్ సైజ్ అంటే జిమ్ కి వెళ్లిపోవడం మాత్రమే అనుకుంటారు. కానీ ఇంట్లోనే మనం ఎన్నో రకాల ఎక్సర్ సైజ్ లు చేయవచ్చు. నా ఫ్రెండ్ అట్టం గురునాధ్, అసలు ఎలాంటి జిమ్ కి వెల్లడు. కేవలం పుష్ అప్స్ ద్వారానే మంచి ఫిజిక్ తో ఉంటాడు. పుష్ అప్స్ అనేవి మీ కంప్లీట్ బాడీని కదిలిస్తుంది. అలాగే బర్పీస్ కూడా టోటల్ బాడీని కదుపుతుంది. అంతేకాదు ఇది మీ బ్లడ్ ఫ్లో ని షార్ప్ గా ఉంచుతుంది. అలాగే దీనికోసం మీరు ఎంతో సమయాన్ని కూడా ఇవ్వక్కర్లేదు. రోజుకి 10 నుంచి 20 నిముషాలు అంతే. 

2. Believe in your goals ( మీ లక్ష్యాలను నమ్మండి )

ఇప్పుడు మీరు ఎక్సర్ సైజ్ చేసారు. ప్రెష్ అయిపోయారు. ఇప్పుడు మీరు మీ ఇన్నర్ సెల్స్ ని యాడ్ చేయాలి. మీకు మీరు ఎందుకు మీరు పనిచేయాలి అనే దానికి ఒక ట్రిగ్గర్ ఇవ్వాలి. దానికి ఉపయోగపడేదే బిలీవ్ ఇన్ యువర్ గోల్. ఏ ఊరు వెళ్లాలో తెలియని ప్రయాణికుడు ఎక్కడికి వెల్లడు అక్కడే ఉంటాడు. తనేంటంటే ఇప్పుడు నేను ఎక్కడికి వెళ్ళలిరా బాబు అని ఆలోచిస్తూనే ఉంటాడు. కానీ గోల్ మీద నమ్మకం క్లారిటీ ఉన్నవాడు ఎలాగైనా తన గోల్ వైపు వెళ్ళిపోతాడు. మన గోల్ మీద నమ్మకం ఉంటె మనం చేసే పనిలో కూడా మంచి ఎనర్జీ ఉంటుంది. మనలో చాలా మంది ఎవరెవరో సాధించిన కీర్తి ల గురించే మాట్లాడుకుంటాం. ఎవరో సాధించిన గోల్స్ గురించి మనం గొప్పగా చెప్పుకుంటాం. నా ఫేవరేట్ హీరో సినిమా హిట్ అయిందని మనమే ఆనందపడిపోతాం, వేరే వాళ్ళతో గొడవలు పెట్టుకుంటాం. మన ఎనర్జీ మొత్తాన్ని దీనికే వాడేస్తున్నాం. 

కానీ అదే సమయంలో మనం మన గోల్ ని నమ్మి దాని వైపు వెళ్తే అనవసరమైన విషయాల కన్నా కూడా మనకు అవసరమైన మన గోల్ మీద ద్రుష్టి పెట్టాలి. మన గోల్ ని చాలా ఎక్సయిటింగ్ గా చెప్పుకోవాలి. మన గోల్ గురించి వేరే వారికీ చెప్పినా, మనకి మనమే తలుచుకున్నా మనకి ఒక ఛాలెంజ్ లాగా ఇప్పుడే పని చేసేయాలి అన్నట్టు ఉండాలి. కొన్ని గోల్స్ మీకు బోరింగ్ గా అనిపించవచ్చు. కానీ దాన్ని కూడా ఎక్సయిటింగ్ గా ప్రెజెంట్ చేయడం మర్చిపోకండి. ఎవరికో అక్కరలేదు. మనకి మన గోల్ ఎక్సయిటింగ్ గా అనిపించాలి. మన ఎనర్జీ లెవెల్స్ ని ఆ గోల్ తలచుకున్నప్పుడల్లా పెంచాలి. అందుకే ప్రతిరోజు కూర్చుని మీ గోల్ గురించి ఆలోచించండి. ఈ రోజు మీరు మీ గోల్ వైపు వెళ్లేలా ఎం చేస్తున్నారు అనేది ఒకసారి ఆలోచించండి. 

3. Work in the morning ( ఉదయం  పని చేయడం )

మీ ఇన్నర్ ఎనర్జీ ని ఫుల్ రీఛార్జ్ చేశాక మీరు ముందు మీ ఇంపార్టెంట్ వర్క్ ని కంప్లీట్ చేయడానికి ఆ ఇన్నర్ ఎనర్జీ ని వాడాలి. అప్పుడే మీరు మీ వర్క్ లో చాలా ఫాస్ట్ గా ఎఫిసియెంట్ గా ఉంటారు. ప్రస్తుతం మన జీవితం ఎలా అయిపోయిందంటే 8-9 గంటలకు లేస్తున్నాం, లేచిన వెంటనే బ్రేక్ఫాస్ట్ చేసి అఫిస్ కి వెళ్ళిపోతున్నాం. నెక్స్ట్ వన్ హావర్ లో లంచ్ బ్రేక్ వస్తుంది తింటాం. ఆ తర్వాత నుంచి డే ఎప్పుడు అయిపోతుంది అని అనుకుంటా ఉంటాం. ఇక్కడ మన ఎనర్జీ ని సరైన టైం లో మనం వాడడం లేదు. మనకి హై ఎనర్జీ లెవెల్స్ ఉండేవి మార్నింగ్ టైమే. ఎందుకంటే ఆ సమయంలో మన బ్రెయిన్ లో చాలా తక్కువ థాట్స్ ఉంటాయి. మరియు రాసే దానిమీద కన్ఫ్యూజన్ తక్కువ క్లారిటీ ఎక్కువ ఉంటుంది. ఫాస్ట్ గా వర్క్ చేయగలుగుతారు. ఇలాగె చాలా మంది లీడర్లు, ఆంట్రప్రెన్యూర్స్ ఒక ఇంపార్టెంట్ వర్క్ ని మార్నింగ్ అప్పుడే స్టార్ట్ చేసేస్తారు. దీనివల్ల వాళ్ళ డే మొత్తం వాళ్ళు ఇంకా వేరే వర్క్ చేయడానికి వాళ్ళ ఎనర్జీ ని వాడుకుంటారు. 

4. Take naps in between your work ( మీ వర్క్ మధ్యలో ఒక కునుకు తీయండి)

మన మైండ్ సాధారణంగా లంచ్ తర్వాత కొంచెం నాప్ వెయ్యాలి అని అనుకుంటుంది. కొంచెం నిద్రొస్తున్నట్టు, కొంచెం మత్తుగా అనిపిస్తుంది. కానీ ఆ సమయంలో ఎందుకులే ఏమనుకుంటారో అనుకుని డెస్క్ మీద కూర్చొని వర్క్ చేద్దాం అనుకుంటాం. కానీ ఆలా ఇలా చూస్తూ మత్తులోకి వెళ్ళిపోతాం. దానికన్నా మీరు టైం తీసుకుని అంటే ఒక 15 లేదా 20 మినిట్స్ టైం తీసుకుని నిద్రపోతే మంచిదని రిచేర్చేర్స్ చెప్తున్నారు. వర్క్ మధ్యలో లేకపోతే స్టడీ మధ్యలో చిన్నగా షాట్ నాప్ తీసుకోవడం మన మెమోరికి చాలా మంచిదని వాళ్ళు చెప్తున్నారు. జపాన్ లాంటి దేశాల్లో కూడా ఆఫీస్ అండ్ స్కూల్స్ లో ఇలాంటి షాట్ నాప్ తీసుకుంటాకి అడ్డుకుడా చెప్పరు. అయితే మనదేశంలో కుదరదు బయ్యా అని మీరు అనుకోవచ్చు. లంచ్ చేసిన వెంటనే 15-20 మినిట్స్ ఎవరితోనూ కబుర్లు చెప్పకుండా మీరు హ్యాపీగా ఒక కునుకు వేసేయండి. ఆ తర్వాత మీ ఎనర్జీ ఫుల్ రీఛార్జ్ అయిపోతుంది. 

5. Have good friends ( మంచి ఫ్రెండ్స్ తో ఉండండి )

ప్రశాంతం గా వర్క్ చేసాక మనందరికీ ఈవినింగ్ ఫ్రెండ్స్ తోనో లేకపోతే కొలీగ్స్ తోనో కబుర్లు చెప్పడం ఇష్టం. అయితే మీరు మామ లైఫ్ ఎలా ఉందిరా అని అడిగే వాళ్ళు ఉన్నారా, నా లైఫ్ చాలా దరిద్రం గా ఉందని రోజు మీతో చెప్పుకొని బాధపడే వాళ్లున్నారా అనేది ఒకసారి ఆలోచించండి. మనందరి జీవితాల్లో నెగిటివిటీ ఎక్కువగా ఉండేవాళ్ళు ఉంటారు. వాళ్ళతో మనకి ఫాస్ట్ లో రిలేషన్ ఉన్నా, చిన్నప్పటి నుంచి వాళ్ళు మనకి ఫ్రెండ్స్ అయినా వాళ్ళు పెరిగే క్రమంలో వాళ్ళ మైండ్ సెట్ వలన మారవచ్చు. మీతో నెగిటివ్ గా ఉండవచ్చు. నెగిటీవ్ విషయాలు, నెగిటీవ్ హ్యాబిట్స్ గురించే మీతో చెప్పవచ్చు. నాకు చిన్నప్పటినుంచి తెలిసినవాడు కదా అని మనం ఎలాగైనా సర్దుకుని పోయి అతనితో మాట్లాడతాము. కానీ తెలివైన పని ఏంటంటే వాళ్ళని మనం వదిలేయడమే మంచిది. ఉదాహరణకి నాకు ఒక చిన్నప్పటి ఫ్రెండ్ రీసెంట్ గా అంటే పెరిగిన తర్వాత బాగా నెగిటివ్ గా అనిపించడం స్టార్ట్ చేసాడు. తన ఆలోచనలు తన హ్యాబిట్స్ ఇవన్నీ కూడా నాకు ఇబ్బంది కరంగా అనిపించేవి అతనితో మాట్లాడిన ఒక్కరోజు నాలో ఒక ఎనర్జీ డిప్రెషన్ అనేది నేను అబ్జర్వ్ చేశాను. అతనితో మాట్లాడ్డం తగ్గించిన తర్వాత నాలో ఎనర్జీ డిఫెరెన్స్ నేను గమనించాను. బాడ్ ఫ్రెండ్స్ మన లైఫ్ లో బాడ్ ఇన్ ఫ్లియెన్స్ తెస్తారు. ఆ బాడ్ ఇన్ ఫ్లియెన్స్ మనకి బాడ్ ఎనర్జీ నే మిగిలిస్తుంది. ఎవరైనా సరే మిమ్మల్ని కేవలం వాళ్ళ బాధల కోసమే యూజ్ చేసుకుంటుంటే వాళ్ళని అబ్జర్వ్ చేయండి. వాళ్ళకి దూరంగా ఉండండి. మన లైఫ్ లో ఫామిలీ ని సెలెక్ట్ చేసుకోలేము కానీ ఫ్రెండ్స్ ని మనం సెలెక్ట్ చేసుకోవచ్చు. సో మీ బాధ వినేవారు, వాళ్ళ బాధను మీరు అర్ధం చేసుకునేలా ఎవరైనా ఉంటె ఆ గుడ్ ఫ్రెండ్స్ తో ఉండండి. అంతేగాని మీ దగ్గర ఎప్పుడు బాధలు చెప్పుకుంటూ, అసలు మీ మాట వినని వాళ్ళు ఎవరైనా ఉంటె వాళ్ళకి దూరంగా ఉండండి. అప్పుడు మీ ఎనర్జీ డబల్ స్ట్రాంగ్ అయిపోతుంది. 

6. Read good books ( మంచి బుక్స్ చదవండి )

సో ఇప్పుడు ఫ్రెండ్స్ తో మాట్లాడేశారు, ప్రశాంతం గా ఇంటికొచ్చారు. ఇంటికి వచ్చాక పర్టిక్యూలర్ గుడ్ బుక్స్ చదివితే మీలో మంచి ఎనర్జీ వస్తుంది. ఎందుకంటే పుస్తకాల్లోని ఐడియాలు చదవడం వల్ల మీ మెంటాలిటీ మారుతుంది. సబ్కాన్షియస్ లెవెల్లో మీ ఆలోచనలు ఇంకా బెటర్ అవుతాయి. దీనివల్ల మీలో ఎనర్జీ ఎప్పుడు పాజిటివ్ గా ఉంటుంది. పుస్తకాలూ చదివే ఓపికలేదు బయ్యా అని అనుకుంటే డెఫినెట్లీ మా వెబ్సైట్ ని డైలీ ఫాలో అవుతూ ఉండండి. మీరు డ్రైవ్ చేస్తున్నపుడు, మార్నింగ్ వాక్ చేస్తున్నప్పుడు ఏమైనా కాలిగా ఉన్న కూడా ఆడియో బుక్స్ వింటూ వేరే ప్రపంచానికి మీరు వెళ్లిపోవచ్చు. సో మంచి పుస్తకాలూ చదవండి. మీ ఎనర్జీ ని డబల్ స్ట్రాంగ్ చేసుకోండి. 

7. Set the day before what to do (ఏమి చేయాలన్నా ముందు రోజు సెట్ చేయండి)

డిన్నర్ చేసాక లేకపోతే చేసేముందు మీరు నెక్స్ట్ డే ని ప్లాన్ చేసుకోవడం చాలా మంచిది. ఎందుకంటే ఎనర్జీ అనేది అసలు దేనికి వాడాలి అనే క్లారిటీ ఉంటె మన మైండ్ కూడా దానిమీద ఫోకస్ చేస్తుంది. ఉదయాన్నే లేచిన వెంటనే ఎం చేయాలి అనే ఐడియా ఉంటె మనం సిట్యువేషన్ ని ఇంకా బాగా డీల్ చేస్తాం. మనం ఒక ప్లాన్ అనుకోని వెంటనే పనిలోకి వెళ్ళిపోతే మీ ఎనర్జీ మరీ ముఖ్యంగా మీ మెంటల్ ఎనర్జీ వేరే ఆలోచనలకూ లోనవదు. ఓవర్ థింకింగ్ అనే కొచెనే ఉండదు. సో నిద్రపోయే ముందు నెక్స్ట్ రోజు ఎన్నింటికి లేవాలి, లేచిన వెంటనే ఎం చేయాలి. ఆ రోజులో మీరు కంప్లీట్ చేయాల్సిన ముఖ్యమైన పనులను షెడ్యూల్ చేసుకోండి. దీనితో నిద్రపోయేముందే మీకు నెక్స్ట్ డే ఎం చేయాలి అనే ఐడియా తో మీరు హ్యాపీగా నిద్ర పోవచ్చు. మీ ఎనర్జీ కూడా మార్నింగ్ రెడీ గా ఉంటుంది. 

8. Align your life ( మీ  జీవితాన్ని సమలేఖనం చేయండి )

ఇది నిద్రకి ముందు చేయడం మంచిది. కానీ ప్రతిరోజు ఇది చేయాల్సిన అవసరం లేదు. వీక్లి వన్స్ ఒకసారి పెట్టుకుంటే చాలు చాలా మంది వాళ్ళ పాజిటివ్ ఎనర్జీ లూజ్ అవడానికి ఒక ముఖ్యమైన కారణం వర్క్ మరియు పర్సనల్ లైఫ్ బ్యాలెన్స్ చేసుకోలేకపోవడం.  ఉదాహరణకి ఆఫీస్ లో మీకు ప్రమోషన్ రావడం ఇష్టం లేని వాళ్ళు ఉంటారు. మీ గోల్స్ గురించి మీరు ఎవరికైనా చెప్తే అది నవ్వే ఫ్రెండ్స్ ఉంటారు. మీ ఎదుగుదలకి కుళ్లిపోయేవాళ్లు కూడా ఉంటారు. వీళ్లందరి గురించి మనం అలోచించి అలోచించి పర్సనల్ లైఫ్ లో ప్రాబ్లమ్స్ ని పెంచుకుంటాం. ఇలాంటి ప్రాబ్లమ్స్ మీ ఎనర్జీ ని డ్రైన్ చేసేస్తుంటాయి. సో ఒకసారి కూర్చోండి, రోజు కాకపోయినా లేదా వారానికి ఒకరోజు కూర్చొని మీ గోల్స్ గురించి ఆలోచించండి. వేరేవాళ్ళ వల్ల మీరు పడుతున్న టెన్షన్స్ గురించి ఒకేసారి ఆలోచించండి. వాటిని ఎలా దాటాలి ఒక ప్లాన్ రాసుకోండి. ఆ ప్లాన్ ని అమలు చేసి మీ ఎనర్జీ ని బీపత్యంగా పెంచేయండి. 

9. Sleep early ( త్వరగా నిద్రపోండి )

ఇంకా మన సిస్టం ని ఆఫ్ చేయాల్సిన సమయం వచ్చేసింది. దేంట్లోనైనా బార్గైన్ చేయండి కానీ మీ నిద్రలో మాత్రం  బార్గైన్ అస్సలు చేయొద్దు. దానికి ఎంత కావాలో అంత ఇచ్చేయండి. సరిగ్గా నిద్రపోయిన రోజు అలాగే సరిగ్గా నిద్రపోని రోజుని ఒకసారి గమనించండి. మంచి నిద్రనుంచి బయటకి వచ్చిన వారిలో ఒకరకమైన మంచి ఆనందం, మంచి ఎనర్జీ ఉంటుంది. ఎవరికైతే సరిగ్గా నిద్ర పట్టదో వాళ్లలో ఎనర్జీ లెవెల్స్ చాలా తక్కువగా ఉంటాయి. ఊరికెనే ప్రెస్టేట్ అయిపోతూ ఉంటారు. బాగా కోప్పడిపోతూ ఉంటారు. నిద్ర అనేది మీ బాడీ ని మీ మైండ్ ని హీల్ చేస్తుంది. ప్రతిరోజు నిద్ర మీకొక వర్కుషాప్ లాగా మిమ్మల్ని కంప్లీట్ గా సర్వీస్ చేసి నెక్స్ట్ డే కి రెడీ చేస్తుంది. మీరు గనుక ఈవెనింగ్ అవ్వగానే ఎక్కువగా అలసిపోతే ఒకసారి చెక్ చేసుకోండి. మీరు సరిగ్గా నిద్రపోతున్నారో లేదో ఒకసారి చెక్ చేసుకోండి. ప్రతిరోజు 10 గంటల లోపలే నిద్రపోవడం మొదలుపెట్టండి. పనున్నలేకపోయిన, సెలవైన కాకపోయిన నెక్స్ట్ 10 డేస్ లేకపోతే 30 డేస్ 10 గంటల లోపలే ఎర్లీ గా నిద్రపోయి చూడండి. మీ ఎనర్జీ మీకే తెలుస్తుంది. 

10. Meditation ( ధ్యానం )

ఇది అందరు ఎక్స్ పెక్ట్ చేసేదే, కానీ దీని వాల్యూ మాత్రం ఈ మధ్యనే ప్రపంచానికి కూడా తెలిసిపోయింది. మొదట్లో మెడిటేషన్ హ ఎవరు చేస్తారు అన్న వెస్టర్న్ కంట్రీస్ కూడా వాళ్ళ లైఫ్ లోని డిప్రెషన్, వాళ్ళ మెంటల్ హిల్ నెస్ అన్నిటికి మెడిటేషన్ నే మందు అని అంటున్నారు. మెడిటేషన్ చేయడం వల్ల మన బ్రెయిన్ ఫంక్షన్ చాలా బాగా ఇంప్రూవ్ అవుతుంది. ఎప్పుడైనా అలసిపోయిన ప్రశాంతం గా ఒకసారి కూర్చుని ఒక 5 మినిట్స్ స్లో బ్రీతింగ్ తో మెడిటేషన్ చేస్తే మీ ఎనర్జీ మళ్ళి తిరిగి రీఛార్జ్ అవుతుంది. సో మంచి ఎనర్జీ రోజు ఉండాలి అంటే మెడిటేషన్ ని వదలకండి. 

ఈ ఆర్టికల్ లో మనం మాట్లాడుకున్న ఈ 10 అలవాట్లు మీలోని శక్తిని పాడైపోకుండా ఒక రోజంతా మిమ్మల్ని సపోర్ట్ చేస్తుంది. 

ఈ ఆర్టికల్ లోని ముఖ్యమైన  అంశాలు 

  • ప్రతి రోజు మార్నింగ్ ఎక్సర్ సైజ్ చేయడమనేది మీ బాడీకి చాలా మంచిది. అది మీలోని ఎనర్జీ ని ఆ రోజు మొత్తానికి రీఛార్జ్ చేస్తుంది. 
  • మీ గోల్ ఏంటి అనే క్లారిటీ మీకు ఉంటె మీ ప్రయాణం ఇంకా సాపీగా ఉంటుంది. 
  • మీ ఎనర్జీ లోని ముఖ్య భాగాన్ని మీ రోజు లోని ఇంపార్టెంట్ వర్క్ మీద మీరు పెడితే వండర్స్ చేయవచ్చు. ఆఫీస్ లో లేదా మీ వ్యాపారంలో లంచ్ ముందే మనం చేసేది చాలా ఇంపార్టెంట్ వర్క్ అయిఉండాలి. అప్పుడు మీ ఎనర్జీ ని ఫస్ట్ మీ ముఖ్యమైన పనికి పెట్టినవాళ్ళు అవుతారు. 
  • లంచ్ తర్వాత లేకపోతే వర్క్ మధ్యలో మీకు నిద్రపోవాలి అని అనిపిస్తే ఒక 20 నిముషాలు కునుకు వేసేయండి. అది మీ ఎనర్జీ ని తిరిగి బూస్ట్ చేస్తుంది. 
  • మన ఫ్రెండ్స్ మనకి జోస్ అవ్వాలి. అంతేకాని అబ్బా ఏంటబ్బా అనే బాధ వాళ్ళు మనకు ఇవ్వకూడదు. సో మీ ఫ్రెండ్స్ లో ఎవరైనా పాజిటివిటీ ని స్ప్రెడ్ చేసేవాళ్ళు ఉంటె వాళ్ళతో ఉండండి. 
  • ఇంటికొచ్చాక మంచి పుస్తకాలు చదవండి. ముఖ్యంగా మీలోని పాజిటివిటీని పెంచే పుస్తకాలు చదవండి. లేకపోతే మా వెబ్సైట్ లో ఒక ఆర్టికల్ చదవండి. 
  • రేపు ఎం చేయాలి అనే క్లారిటీ మనకు ఒకరోజు ముందే  ఉందనుకోండి నెక్స్ట్ డే మనం ఆ పనిలో ఇరగదీసేస్తాం. మీ ఎనర్జీ కూడా రెడీ గా ఉంటుంది. 
  • నిద్రపోయేముందు ప్రశాంతంగా కూర్చొని మీ లైఫ్ లో ఉన్న ప్రాబ్లమ్స్, మిమ్మల్ని ఇరిటేట్ చేస్తున్న విషయాలు వీటన్నిటి గురించి అలోచించి వాటిని ఎలా డీల్ చేయాలో ఒక ప్లాన్ వేసుకోండి. 
  • నిద్ర అనేది మీ ఎనర్జీ కి చాలా మంచిది. చాలా ముఖ్యమైనది కూడా సో ఎర్లీ గా నిద్రపోండి. 
  • మెడిటేషన్ అనేది మార్నింగ్ లేచాక లేకపోతే నిద్రపోయేముందు చేస్తే చాలా మంచిది. అది మీ ఎనర్జీ ని డ్రాప్ అవ్వనివ్వదు. 

సో ఫ్రెండ్స్ మీ ఎనర్జీ ని పెంచే హ్యాబిట్స్ ఇవి వీటిలో మీరు ఏది ఫాలో అవుదామనుకుంటున్నారు. మీరు ఆల్రెడీ ఇలాంటి ఎనర్జీ టిప్స్ ఏమైనా ఫాలో అయితే కింద కామెంట్స్ లో చెప్పండి. 

ఇటువంటి బెస్ట్ హెల్త్ ఇన్ఫర్మేషన్ మరియు హెల్త్ టిప్స్ కోసం మన HEALTH TIPS TELUGU ని రోజు పాలో అవుతూ ఉండండి, మీ కోసం మంచి మంచి హెల్త్ టిప్స్, ఫిట్నెస్ టిప్స్, ఆయుర్వేదానికి సంబందించిన విషయాలను తెలియజేయడం జరుగుతుంది. మీరు ఏమైనా సలహాలు, సందేహాలు తెలపాలనుకుంటే ఈ పోస్ట్ కింద కామెంట్ సెక్షన్ లో కామెంట్ ద్వారా తెలపండి.

Post a Comment

1 Comments

  1. nice article.
    మంచి విషయాలను చెప్పారు. నేను కూడా మీరు చెప్పినట్లు చేస్తాను.
    Thank you for the article.

    ReplyDelete